Үкімет отставкасы Смайыловтың шешімімен болды - Дүйсенова

Премьер министрдің орынбасары Тамара Дүйсеновадан министрлер кабинетінің отставкасы туралы сұралды. Дүйсенова өз кезегінде шешім Әлихан Смайыловтың бастамасымен болғанын айтты, деп хабарлайды Orda.kz порталы.

Оның айтуынша, бұрынғы премьер министр өзінің отставкасы туралы ұсынысын жариялаған және ол мақұлданды. 

Сонымен қатар премьер министрдің орынбасарынан министрлер мен орынбасарлардың басым бөлігі өз орнын сақтап қалатын болса, министрлер кабинетін қайта жасақтаудың қаншалықты керегі бар екені туралы сұралды. 

«Бәлкім бұл сұрақты маған қоймау керек шығар. Сіздер естігендей бізге кей істі жүзеге асыра алған немесе орындай алмаған жерлерімізге берілетін баға. Сонымен қатар экономикалық тұрғыдан жаңару және жаңғыру бойынша үлкен мақсат тұр. Мемлекет басшысы экономикаға жаңа серпін беру керек деп шешті», - деп жауап берді Дүйсенова.