Wildberries араб жазуы бар Қазақстан жалауларын сатуды тоқтатты

Сауда алаңы жұртшылықтың наразылығын тудырған араб жазуы бар Қазақстан туларын тез арада сатылымнан алып тастады, деп хабарлайды Orda.kz.

Еске салайық, никаб киген төрт қыз Исламның сенім символы - қылыш пен шахада бейнеленгенҚазақстан туымен суретке түсті.

Компания ішкі тексеру жүргізіп, бұл өнімді сатуды тоқтату туралы шешім қабылдады.

«Біз платформада кез келген әділетсіз әрекеттермен белсенді түрде күресеміз. Барлық сатушылар тауарлардың Қазақстан заңнамасының талаптарына сәйкес келуін қамтамасыз етуі керек. Біз осы талаптың сақталуын қадағалаймыз» деп жазылған компанияның ресми мәлімдемесінде.

Мұндай жалаушаларды сататын сатушыларға «заң бұзушылықтарға жол берілмейтіні» ескертілді.

Осы уақытта фотосуреттегі никаб киген қыздар ұсталды.

Бұған дейін Қазақстан мұсылмандары діни басқармасының төрағасы арабтандыруға қарсы шыққан болатын. Ол қазақтарды араб тіліндегі діни терминдерден аулақ болуға шақырды.