Усама бен Ладеннің ұлы әкесінің лаңкестігін жалғастармақшы - БАҚ

Британдық журналистер Усама бен Ладеннің ұлы Хамзаның тірі екенін және әкесінің лаңкестік қозғалысын жандандырып жатқанын мәлімдеді, деп хабарлайды Orda.kz.       

Бұл туралы мақала 2024 жылы 14 қыркүйекте The Mirror таблоидында жарияланған.

Еске салайық, АҚШ-тың бұрынғы президенті Дональд Трамп 2019 жылы халықаралық лаңкестік қозғалысын ұйымдастырушының ұлының көзі  жойылғанын мәлімдеген болатын.

Британдық газеттің хабарлауынша, жаңа барлау мәліметтерінде Хамза бен Ладеннің тірі екенін және Кабулдан 150 шақырым жерде Ауғанстанның Жалалабад қаласында тұрып жатқаны туралы ақпарат бар. Хамза ағасы Абдулламен бірге лаңкестерді дайындау үшін он лагерь құрыпты.

Авторлар бұл ақпарат Батысқа 2001 жылдың 11 қыркүйегінде жасалған жаңа шабуылға қатысты алаңдаушылық тудырады деген қорытындыға келген.

2024 жылы 23 тамызда Германиядағы Солинген қаласының 650 жылдығына арналған фестиваль кезінде пышақ ұстаған лаңкес жиналғандарға шабуыл жасады. Үш адам қаза тауып, сегізі жараланды. Оқиға үшін жауапкершілікті «Ислам мемлекеті» (Қазақстанда тыйым салынған) тобы өз мойнына алған болатын.