Ұлыбритания королінің жағдайы нашарлап ауруханаға түсті

Ұлыбритания королі Чарльз III ауруханаға жатқызылды, деп хабарлайды Orda.kz. 

Корольдің алдағы тәулікке жоспарлаған барлық іс-шаралары тоқтатылды. 

Чарльз III қатерлі ісікке қарсы жоспарланған емдеуге байланысты «жанама әсерлер» пайда болғаннан кейін бақылау үшін ауруханаға жатқызылғаны мәлім болды. Букингем сарайындағылар жағдайдың қалыпты екенін, корольдің тексерістен өтіп жатқанын айтты.

Ұлыбритания королі Чарльз III-ке өткен жылдың басынан бері қатерлі ісік диагнозы қойылған. Сол кезден бастап корольдің денсаулығы мұқият бақылауға алынды. 76 жастағы Чарльз үш ай бойы қоғамдық міндеттерден бас тартты. Алайда үкіметтегі құжаттармен жұмыс істеу және премьер-министрмен кездесу сияқты мемлекеттік істерден тыс қалмады.