Ұлттық банк валюталық бақылауды күшейтіп, жаңа ереже енгізеді

Қазақстан Ұлттық Банкі валюталық реттеу және бақылау қағидаларына өзгерістер енгізді. Операциялар бойынша бақылау күшейтілді, енді  банктер мәмілелерді тексеруге және бұзушылықтар туралы хабарлауға міндетті болады, деп хабарлайды Orda.kz.       

Шекті сомалар белгіленді — жеке тұлғалар үшін $10 000-нан бастап және заңды тұлғалар үшін $50 000-нан бастап. Бірқатар операциялар үшін валюталық шарттың есептік нөмірі қажет, ал бизнеске валютаны сатып алу мақсаттарын растау міндеттеледі. Капиталды сыртқа шығару қаупі бар операцияларға ерекше назар аударылады.

Сонымен қатар, жеке тұлғалар үшін жеңілдіктер сақталған: $10 000-ға дейінгі аударымдарды шот ашпай-ақ жасауға болады.

Өзгерістер қаржылық тәртіпті арттыруға, қаражатты заңсыз шығаруға қарсы күреске және операциялардың ашықтығын күшейтуге бағытталған. Жаңа ережелер 2026 жылғы 19 сәуірден бастап күшіне енеді.

Цифрлық құжаттар сервисінің деректерін пайдалану жөніндегі жекелеген норма 2026 жылғы 12 шілдеге дейін уақытша тоқтатылды.

Оқи отырыңыз: 

• Ұлттық банк төрағасы Қазақстандағы инфляцияның үдеу қаупі туралы айтты
• Несие алу қиындайды:Ұлттық банк қосымша шектеулер енгізеді
• Тоқаев Ұлттық банк пен Қаржы мониторингі агенттігін қатты сынға алды