«Украинамен келісу қиынға соғады»: Трамп соғысты тоқтатуға сәл қалғанын мәлімдеді

АҚШ президенті Дональд Трамп Украина мен Ресей арасындағы соғысты тоқтататынын мәлімдеді, деп хабарлайды Orda.kz.

Бұл туралы Трамп журналистерге берген сұхбатында айтқан болатын.

«Менің ойымша, бізде екеуімен де келісім бар және олар келіседі деп үміттенемін», — деді Трамп.

Сондай-ақ АҚШ президенті Зеленскиймен келісу қиынға соғатынын да жасырмады. 

«Мен Зеленскиймен келісіп, бұл шаруаны бітіру оңай деп ойлаған едім. Алайда қазір жағдай қиындау болып тұр», деп мәлімдеді Трамп.

Трамп АҚШ Ресеймен келісімге келді және Украинамен келісімге келуі керек екенін айтты. 

«Менің ойымша, бізде Ресеймен келісім бар. Біз Зеленскиймен келісім жасауымыз керек», – деді Трамп.

Айта кетейік, бұған дейін Кашмирдегі терактіден кейін Үндістан Пәкістан шекарасындағы «Аттари» бақылау-өткізу пунктін жауып тастаған болатын.