Украина ресейлік клубтарды Еуропа додаларына қатыстыруға қарсылық танытты

Украиналық СІМ FIFA-ның ресейлік футбол клубтарын еуропалық лигаларға қайта қосуға қарсылық танытты, деп хабарлайды Orda.kz.

Украина сыртқы істер министрлігінің басшысы  Андрей Сибига Х желісінде өз наразылығын білдірді.

«679 украиналық қыз-жігіттер енді футбол ойнай алмайды. Өйткені Ресей оларды өлтірді. Бұл әлі де адам өліміне алып келеді, ал азғындар Ресейдің соғысты тоқтата алмағандарына қарамастан, тыйымдарды алып тастауды ұсынып отыр», деп жазды Украинаның Сыртқы істер министрі Андрей Сибига.

Айта кетейік, FIFA ұйымының басшысы Джанни Инфантино SkyNews-ке берген сұхбатында ресейлік клубтардың еуропалық додаларға қайта қатыстыру жоспарда бар екенін мәлімдеген болатын.