ҰҚК құрамына енген Антикор тізгінін жаңа басшы ұстады

Сыбайлас жемқорлыққа қарсы қызметтің директоры болып генерал-майор Нұржан Құсайынов тағайындалды. Қызмет қазір Ұлттық қауіпсіздік комитетінің құрамында жұмыс істейді, деп хабарлайды Orda.kz.

Президент Қасым-Жомарт Тоқаев 30 маусым күні Сыбайлас жемқорлыққа қарсы агенттікті таратып, оның қызметін ҰҚК-нің құрамындағы жаңа құрылымға беруді тапсырған болатын.

Нұржан Құсайынов – 2025 жылғы мамырда президент жарлығымен оған ұлттық қауіпсіздік генерал-майоры атағы берілген болатын.

Ол бұл қызметке дейін ҰҚК-нің 5-департаментін басқарған. Бұған дейін ол осы департаментте Руслан Ысқақовтың орынбасары болған. Ысқақов 2024 жылдың басында 20 жылға сотталған еді.