ТЖМ өртке қарсы қызметіндегі сыбайлас жемқорлық: Антикор тергеуді аяқтады

Антикор Төтенше жағдайлар министрлігі Өрт сөндіру қызметінің төрағасына, Шымкент қаласы мен Жетісу облысы Төтенше жағдайлар департаменті басшыларына қатысты тергеуді аяқтады.

Шенеуніктер бизнес өкілінен 40 миллион теңге көлемінде жүйелі түрде пара алды деген күдікке ілінді. Тергеу соты күдіктілерді қамауға алды. Қылмыстық істі Ақмола гарнизоны әскери соты қарауда.

Бұған дейін Астананың ауданаралық тергеу соты ҚР Төтенше жағдайлар министрлігі Өртке қарсы қызмет комитетінің төрағасы Нұрболат Дербісовке қатысты «қамау» түріндегі бұлтартпау шарасын санкциялағанын хабарлаған болатынбыз. Шымкент қаласының департаменті Мадияр Жақсыбаев пен Жетісу облысы Төтенше жағдайлар департаментінің басшысы Бауыржан Ізбасаров та осы іске қатысты. 

Олар өрт қауіпсіздігі саласында патронаттық қызмет көрсету үшін кәсіпкерлерден пара алды және олардың қызметтерін сатып алуға мәжбүрлеп, жүйелі түрде пара алды деген күдікке ілінді. Оларға қатысты сотқа дейінгі тергеп-тексеру жалғасуда, олардың басқа да сыбайлас жемқорлық қылмыстарына қатыстылығы анықталуда.