Түрмеде отырып теміржол бекеттерінде «терракт» ұйымдастырған адам анықталды

Түрмедегі таксофоннан темір жол бекеттерінде бомба жайлы хабарлаған қылмыскер тағы төрт жыл арақалады, деп хабарлайды Orda.kz.

Бас көлік прокуратурасының мәліметіне қарасақ, төрт рет жалған деректі айтқан қоңырау келіп түскен. Әр қоңыраудан кейін бекеттерден жолаушылар мен қызметкерлер эвакуацияланып, оқиға орнына құтқарушылар, полиция және залалсыздандыратын мамандар шұғыл жеткен. 

«Жалған дабылдың салдарынан мемлекеттік органдарға 3,3 миллион теңгеден астам шығын келді. Жүргізілген сараптамалар қоңырау шалған адамның кім екенін және оның сөздерінде тікелей қауіптің барын растады», — деп мәлімдеді прокуратурада.

Сот сотталушыны ҚР Қылмыстық кодексінің 273-бабы — «Терроризм актісі туралы көрінеу жалған хабарлау» айыбы бойынша кінәлі деп таныды.

Енді сотталушы жазасын өтеуді жалғастырып қана қоймай, келтірілген шығынды да өтеуге міндетті.

Еске сала кетейік, Ресейде қазақстандық студент террорист деген күдікпен қамауға алынған еді.