Түркістанда көшенің қақ ортасында атыс болды

Түркістан облысында ер адам көшенің қақ ортасында танысына оқ атқан, деп хабарлайды Orda.kz. 

Әлеуметтік желіде тараған видеода полиция көшені қоршауға алғаны көрінеді. Анықталғандай ер адам көшеде танысына қарсы травматикалық қарудан оқ атқан. Жәбірленушіге медициналық көмек көрсетілген оның өмірі мен денсаулығына қауіп жоқ.

Полицейлер жедел-іздестіру іс-шаралары нәтижесінде күдікті ретінде Сайрам ауданының тұрғынын ұстапты.

«Күдікті қазіргі уақытта уақытша ұстау изоляторына қамалды. Травматикалық тапанша тәркіленіп, іс материалдарына тіркелді. Алдын ала мәлімет бойынша, келіспеушілік туындап, ер адам өзінің танысына оқ атқан», деп мәлімдеді Түркістан облысының ПД.

Оқи отырыңыз:

• Астанада ер адам құқық қорғау органы қызметкеріне оқ атты 
• Мас кезінде 3 балықшыға оқ жаудырған ер адам 15 жылға сотталды
• Түркістан облысында қарулы ер адам полицияға оқ атты