Түркістан облысында оқушылар мен мұғалімдердің ауруханаға неге жеткізілгені белгілі болды

Оқу-ағарту министрлігіне қарасты балалардың құқықтарын қорғау комитеті Түркістан облысы Сарыағаш ауданында оқушылар мен мұғалімдердің жаппай тамақтан уланғанын жоққа шығарды.

Білім басқармасының мәліметінше, дүйсенбі күні таңертең балалар бояудың иісінен кейін өздерін жайсыз сезініп, дереу жедел жәрдем шақырылды. 

«Оқушылар ауруханада бір сағатқа жуық болып, одан кейін бірден үйіне жіберілді. Қазіргі таңда балалар онлайн форматта білім алып жатыр. Аталған жағдайды зерттеу бойынша жұмыс комиссиясы құрылды», - деп хабарлады ведомство. 

Еске салайық, бұған дейін Түркістан облысында 29 бала және 10 мұғалім өзін жайсыз сезініп, жедел жәрдем қызметімен ауруханаға жеткізілгенін хабарлаған едік.