Түркістан облысында 11 жастағы қызды зорламақ болған ер адам сотталды

Кентауда 11 жастағы қызға шабуыл жасаған ер адам 15 жыл 6 айға сотталды. Бұл туралы Otyrar.kz хабарлады.

2024 жылғы 24 қаңтарда Түркістан облысының қылмыстық істер жөніндегі мамандандырылған ауданаралық соты жасөспірімді зорлауға оқталмақ болған ер адамға үкім шығарды.

Ер адам 15 жыл 6 айға сотталды, үкім әлі заңды күшіне енген жоқ. Апелляциялық сот 2024 жылғы 19 наурызда өтеді.

Еске салайық, Түркістан облысы Кентау қаласында 2023 жылғы сәуір айында ер адам 11 жастағы қызға шабуыл жасаған болатын. Қыз өз ауласында жүрген. Оны ұрып-соғып, буындырып, зорламақ болған. Қызды өтіп бара жатқан адамдар аман алып қалды. Бұл туралы жасөспірімнің анасы бірден полицияға хабарлаған.

Ер адам бұрын Қылмыстық кодекстің 120-бабы ("Зорлау") бойынша 11 жыл 8 жыл жазаны өтеген.