Түрген өзенінде сел жүру қаупі бар

Алматы облысындағы Түрген өзені бассейнінде күрделі жағдай байқалды, деп хабарлайды Төтенше жағдайлар министрлігінің баспасөз қызметі.

«Алматы облысындағы Түрген өзені бассейнінде күрделі сел жағдайы байқалады. 30 мыңнан астам адам тұратын Тау-Түрген, Түрген, Қаракемер, Балтабай елді мекендері қауіп төнді» деп хабарлады Төтенше жағдайлар министрлігі.

Төтенше жағдайлар министрлігі Түрген өзені алабындағы мұздық пен көлдердің сел және гидрометеорологиялық жағдайын бақылауда.

Мұздықтардан пайда болған көлдерде су деңгейін қалыпқа келтіру мақсатында су тасқыны мен сел қаупін жою үшін профилактикалық жұмыстар жүргізіліп жатқаны хабарланды. Екі күнде сифон орнату арқылы еріген су сорылды. Осылайша, бүгін ұзындығы 300 метрге жуық, өнімділігі 110 л/с бірінші сифон желісі іске қосылды.

Төтенше жағдайлар министрлігі жұмыс шамамен 16 шілдеге дейін жалғасатынын хабарлады. Осыған байланысты туристерге уақытша шектеу енгізілді.  Іле-Алатау мемлекеттік ұлттық паркінің Түрген филиалының табиғатты қорғау бекеті арқылы өтетін жолды жабу туралы шешім қабылданды.