Түлектер мінген автобус апатқа ұшырап, 17 адам опат болды

Колумбияның Антиокия провинциясында 40 түлегі бар мектеп автобусы 20 метр биіктіктен шатқалға құлап кетті. 17 адам қайтыс болып, 20-ға жуығы зардап шекті, деп хабарлайды Orda.kz. 

Жергілікті басылымдардың мәліметінше, 16-18 жас аралығындағы жастар сапарды өз бетінше ұйымдастырған. Ал автобуста мұғалімдер болмапты. Зардап шеккендер жақын маңдағы ауруханаларға жеткізілген. 

Оқиға орнында құтқарушылар жұмыс істеп жатыр. Билік провинцияның бүкіл ауруханалық желісін көмекке тартты.

Айта кетейік, Трамп Украинадағы соғыс жағдайын АҚШ-тың КСРО-ны «жеңгенімен» салыстырды.