Тұтынушылар шағымы өсіп келеді

2024 жылдың бірінші жарты жылдығында Сауда және интеграция министрлігінің Тұтынушылардың құқықтарын қорғау комитеті 24 441 адамның өтінішін қараған.

 Бұл туралы ҚР Үкіметінің баспасөз қызметі хабарлайды.

Кәсіпкерлік субъектілеріне 570 тексеру жүргізілген, өткен жылмен салыстырғанда бұл 620 пайызға артқан.

Әкімшілік жауапкершілікке 648 субъект тартылды, бұл өткен жылмен салыстырғанда 4 есеге көп.

Тексеру  нәтижесінде 777 млн ​​теңгеден астам сомаға тұтынушылардың құқықтары қорғалды, бұл өткен жылмен салыстырғанда 189%-ға артық.

«Сапалы өнім» жобасы - өнімнің сапасы мен тұтынушылар құқықтарын кедергісіз қорғауға қамтамасыз етуге бағытталған. Зерттеуге сүт, кілегей, айран, сары май, күнбағыс майы, сүзбе, ірімшік, құс еті, балық және шұжық өнімдері сияқты 681 өнім түрлері кіреді.

Жалпы еліміз бойынша 26 қоғамдық бірлестік импорттық өнімдерге іріктеу жүргізді.

405 өнім түрі бойынша бұзушылықтар анықталды, атап айтар болсақ, таңбалау мен құрамның сәйкессіздігі, жарамдылық мерзімі өтіп кеткен  өнімді сату, қажетті құжаттардың болмауы.

203-бап (құжатсыз сату) және 425-бап (санитариялық-эпидемиологиялық нормаларды бұзу) бойынша 139 әкімшілік акт түзілді.