Трамптың арнайы өкілі Иранмен қақтығысты реттеудің төрт шартын атады

Вашингтон Иранмен жағдайды дипломатиялық жолмен реттеуге үміттенеді, бірақ Тегеран ол үшін төрт шартты орындауы тиіс. Бұл туралы АҚШ президентінің Таяу Шығыс бойынша арнайы өкілі Стив Уиткофф мәлімдеді, деп хабарлайды Orda.kz РБК-ға сілтеме жасай отырып.

Уиткоффтың айтуынша, Иран ымыраға келуі тиіс, себебі оның экономикасы «өте қиын жағдайда».

Шарттардың ішінде ол уранды байыту, Тегеранның зымырандар мен ядролық материалдар қорын қысқарту, сондай-ақ кепілдікті қамтамасыз ету тақырыбын атады. Дональд Трамптың арнайы өкілі Иранда қазір әр түрлі мәліметтер бойынша 3,67-60 пайызға байытылған екі мың келіге жуық ядролық зат бар деп мәлімдеді.

«Егер олар Ұлттар Лигасына (БҰҰ алдында тұрған халықаралық ұйым) оралғысы келсе, біз осы төрт мәселені дипломатиялық жолмен шеше аламыз және бұл тамаша шешім болады. Балама болса – жаман», - деді Уиткофф Флоридадағы Израиль-Америка кеңесінің конференциясында. 

Режимнің құлдырауын қалайтын Иран халқына айтары бар ма деген сұраққа ол: 

«Бұл өте батыл адамдар, біз сіздермен біргеміз», - деп жауап берді. 

Қаңтар айының басында АҚШ әкімшілігі алғаш рет Иранға әскери интервенция жасау мүмкіндігіне жол берді. 2 қаңтарда Трамп Иран наразылықты қатыгездікпен бастаса, АҚШ демонстранттарға «көмекке келеді» деп мәлімдеген болатын.

Ақ үй өкілі сөз әлеуетті күш көрсету туралы болып отырғанын растап, америкалық көшбасшы өз сөзін ұстанатынын бірнеше рет дәләлдегенін еске салды.

Тақырыпқы қатысты ұсынамыз: 

• Ирандағы наразылық тәртіпсіздік пен қақтығысқа ұласты 
• Ирандағы наразылықтың мақсаты монархты қайтару емес
• АҚШ пен батыс елдерінің Тегеранның ядролық бағдарламасына қатысты салған санкцияларының кесірі қара халыққа тиіп жатыр 
• Иранда наразы халық Солтүстік Хорасан прокурорын тірідей өртеп жіберді