Трамп Иранмен уақытша бітімге келді: Соғыс 5 күнге тоқтады

Дональд Трамп Иранмен 5 күндік уақытша бітім жариялады. Бұған дейін Тегеран Ормуз бұғазын толық жабатынын ескерткен еді, деп хабарлайды Orda.kz. 

АҚШ Иранның энергетикалық инфрақұрылымына соққы беруге уақытша мораторий енгізеді. Бұл туралы Трамп Truth Social әлеуметтік желісіндегі парақшасында жазды. 

Оның айтуынша, соңғы екі күнде тараптар «өте жақсы және нәтижелі» кездесулер өткізген.

Трамп тараптар толықтай атысты тоқтату мүмкіндігін де талқылап жатқанын мәлімдеді.

Бірақ Иран тарапы Трамптың сөзін жоққа шығарып, АҚШ-пен келіссөздер жүріп жатыр деген мәлімдемелерді жоққа шығарды. 

23 наурызда Иран АҚШ құрлық операциясын бастауға әрекеттенсе, Парсы шығанағын толықтай миналап тастайтынын мәлімдеді. Бұған дейін Axios дереккөздері Трамптың Харк аралын бақылауға алу мүмкіндігін «байыпты түрде» қарастырып жатқанын хабарлаған. БАҚ мәліметінше, АҚШ бұл аймаққа қосымша әскери күштерді жедел түрде жіберуді бастаған.

Оқи отырыңыз:

• Таяу Шығыстағы әскери іс-қимылдардың бейтарап елдерді шарпып жатқанына қарсымыз: Тоқаев БАӘ-нің Қазақстандағы елшісімен кездесті
• Трамп Израильге барып, беделді марапат алуды қарастырып отыр
• Трамп Иранға Ормуз бұғазын ашу үшін 48 сағат уақыт берді, талап орындалмаса шабуыл үдейді