«Төмен баға ұсынған»: Астанада пәтерлерді екі реттен сатқан құрылыс компаниясы қызметкерлері қамалды

Астанада құрылыс компаниясының қызметкерлері «Qyran» тұрғын үй кешені пәтерлерін екі рет сатып, азаматтарды тақырға отырғызды, деп хабарлайды Orda.kz.

Қызметкерлер «International Invest Company IIC» ЖШС-нің атынан пәтерлерді, тұрғын емес үй-жайларды және тұрақ орындарын нарықтық құнынан төмен бағамен сатып алуды ұсынған. Күдіктілер тіпті, сатып алу-сату шарттарын жасасудың орнына мемлекеттік тіркеуге жатпайтын брондау шарттарын қолданған. Жәбірленушілер алаяқтарға алданып қомақты қаражатынан айырылған. Компания қызметкерлерінің қылмыстық әрекетінен шығын 8 млрд теңгеден асқан. 

Үш күдікті қамауға алынып, тағы бірі «кепілдікпен» босатылған. Қылмыстық іс сотқа жолданды.

Оқи отырыңыз:

• Астанада 8 наурызға орай әйелдерге берілетін ақшалай төлемді кімдер алады?
• Контрафактілік тауар: 17,1 тоннадан астам өнім айналымнан алынып, 29,9 млн теңгенің айыппұлы салынды
• Тоқаев Таяу Шығыстағы жағдайды ушықтырмауға шақырды