Тоқаевтың тапсырмасымен Мәулен Әшімбаев Иран елшілігіне барып, көңіл айтты

cover Фото: сенат

Президент Қасым-Жомарт Тоқаевтың тапсырмасымен сенат төрағасы Мәулен Әшімбаев Иранның Қазақстандағы елшілігіне барып, Иран халқына көңіл айтты, деп хабарлайды Orda.kz.

Ол мемлекет басшысының атынан қайғылы оқиғадан қаза тапқандардың туыстары мен жақындарына, сондай-ақ бүкіл Иран халқына көңіл айту сөзін жеткізді.

Кездесу барысында Қазақстандағы Иранның Төтенше және Өкілетті Елшісі Али Акбар Джоукармен әңгімелесті. Әшімбаев Қазақстанда Иранда болған қайғылы жағдай туралы хабар үлкен өкінішпен қабылданғанын айтты. Қайғылы оқиға салдарынан Иранның рухани көшбасшысы аятолла Сейед Әли Хаменеи, ел басшылығының өкілдері және бейбіт тұрғындар, соның ішінде балалар қаза тапқаны атап өтілді.

Сондай-ақ ол Иран Қазақстанның жақын көршісі әрі серіктесі екенін айтып, еліміз қақтығысты бейбіт жолмен реттеуге қолдау көрсетуге дайын екенін жеткізді.

Еске сала кетейік, Әзербайжанның Нахчыван әуежайына дрон шабуылы жасалды.

Оқи отырыңыз:

Жаңалықтар

барлық жаңалықтар