Тоқаев Жоғары сот кеңесі төрағасын қабылдады

Президент Қасым-Жомарт Тоқаев Жоғары сот кеңесінің төрағасы Дмитрий Малаховты қабылдады, деп хабарлады Orda.kz.

Кездесуде Жоғары сот кеңесі қызметін одан әрі жетілдіру мәселелері, атап айтқанда сот корпусын нығайтуға және жаңартуға, сот төрелігі академиясын дамытуға, сондай-ақ судьялардың тәртіптік жауапкершілігін күшейтуге бағытталған шаралар талқыланды. 

Дмитрий Малахов сот кеңесінің рөлі күшейіп, судьяларға қатысты кадрлық мәселе, сонымен қатар бизнес-процестер мен конкурстық іріктеулерді цифрландыру мәселесі күн тәртібінде тұрғанын жеткізді.

Президентке кассациялық сот келесі жылдың 1 шілдесінен жұмысын бастайтыны туралы баяндалды. Оған дейін Кеңес судьяларды іріктеп, сот құрамын жасақтайды.

Еске сала кетсек, 19 қыркүйекте Дмитрий Малахов  Денис Шипптің орнын басып, Жоғарғы cоттың төрағасы болып сайланды.