Тоқаев Родинаға барды

Президент Қасым-Жомарт Тоқаевтың Ақмола облысындағы жұмыс сапары Целиноград ауданындағы Родина ауылында жалғасты.

Бұл туралы Ақорда хабарлады.

Мемлекет басшысы алдымен Родина ауылындағы мәдениет үйін аралады.

Жалпы ауданы 1563 шаршы метр болатын нысанда хореграфия және спорт залдары, дыбыс жазу студиясы мен үйірмелерге арналған кабинеттер бар. 

Сонымен қатар, президентке «Родина» агрофирмасының бас директоры Иван Сауэр серіктестіктің ауылда іске асырып жатқан әлеуметтік жобаларын таныстырды. Былтыр бизнестің әлеуметтік жауапкершілігі аясында компания Родина ауылының игілігіне 791 миллион теңге қаржы бөлді.