Тоқаев Люксембург герцогын таққа отыруымен құттықтады

Қазақстан Президенті Қасым-Жомарт Тоқаев Люксембург герцогы Гийомды таққа отыруымен құттықтады, деп хабарлайды Ақорда баспасөз қызметі.

«Мемлекет басшысы Люксембургтің жаңа Ұлы Герцогы Гийомға құттықтау жеделхатын жолдады» деп жазылған хабарламада.

Тоқаев Люксембургтің жаңа Ұлы Герцогы Гийомды таққа отыруымен құттықтады.

«Қазақстан Люксембургпен достық пен өзара құрметке негізделген ұзақ мерзімді әріптестігін жоғары бағалайды. Халықтарымыздың игілігі үшін өзара тиімді екіжақты ынтымақтастықты одан әрі нығайтып, жаңа мүмкіндіктерді бірлесе іске асыру жолында Сізбен тығыз жұмыс істеуге ниеттімін», – делінген құттықтау жеделхатында.

Мемлекет басшысы сондай-ақ Люксембургтің Ұлы Герцогы қызметін аяқтаған Оның Корольдік Жоғары Мәртебесі Анриге өз құрметін білдірді.