Тоқаев Голан жоталарынан оралған бітімгерлерді марапаттады

Мемлекет басшысы қазақстандық бітімгерлерді марапаттады, деп хабарлайды Orda.kz. 

Президент 20 бітімгерді әскери борышын үлгілі атқарғаны үшін, БҰҰ Голан жоталарындағы бітімгерлік миссиясын жүзеге асыру барысында көрсеткен ерлігі мен жанқиярлығы үшін мемлекеттік наградалармен марапаттау туралы жарлыққа қол қойды.

Осыдан бір жыл бұрын 139 адамнан тұратын алғашқы бітімгерлік контингент Голан жоталарына аттанған еді. Олардың арасында 7 әйел әскери қызметші бар. Әрбір әскери қызметшіге айына 1 448 доллар (730 мың теңге) төленеді.

Марапат қатарында бірінші, екінші және үшінші дәрежелі «Айбын» ордені мен «Жауынгерлік ерілігі үшін» берілетін медаль бар. 

Еске сала кетейік, Голан биіктігі — Израиль мен Сирия арасындағы даулы аумақ. Теңіз деңгейінен мың метрден астам биіктіктегі 2 мыңға жуық  шаршы шақырым болатын жанартаулы, таулы үстірт.

Айта кетейік, 10 сәуір күні Жетісу облысы Алакөл ауданында орналасқан балық зауытында өрт шықты. Зауыттағы жарылыстың алдын алған құтқарушы көз жұмды.