Тоқаев Дархан Сатыбалдыны президент әкімшілігінің бірінші орынбасары етіп тағайындаудың мақсатын түсіндірді

Қасым-Жомарт Тоқаев президент әкімшілігі басшысының бірінші орынбасарын қабылдады, деп хабарлайды Orda.kz.

Тоқаев кездесу барысында Дархан Сатыбалдының Түркістан облысында атқарған жұмысына жоғары баға беріп, президент әкімшілігі басшысының бірінші орынбасары лауазымына қайта тағайындалуына тоқталды. 

«Президент әкімшілігі басшысының бірінші орынбасары басқару мен аймақтар арасындағы ынтымақтастықты жақсарту үшін керек. Сондай-ақ, бұл лауазым тапсырмалар мен шешімдердің жергілікті деңгейде жүзеге асуын қадағалауды күшейтіп, қабылданған шешімдердің сапасын арттыру және азаматтардың мемлекеттік институттарға деген сенімін нығайту мақсатында енгізіліп отыр», — деді Тоқаев.

Сонымен қатар Президент Әкімшілігі Басшысының бірінші орынбасарына нақты міндеттер жүктелді.