Тірі қалғандар арасында экипаж қызметкерлері де бар

Апатқа ұшыраған ұшақта екі ұшқыш қаза тауып, үш экипаж қызметкері тірі қалды, деп хабарлайды Orda.kz.

Азаматтық авиация комитетінің төрағасы Талғат Ластаев ұшақтың сағат 11:02-де Қазақстанның әуе кеңістігіне кіруді сұрағанын түсіндірді.

 Экипажмен байланыс 11:28-де үзіліп, 11:37-де ұшақ жерге соқтығысқан.

Ластаев сонымен қатар апаттың қауіпсіз аймақта болғанын айтты:

«Қазақстанның әуе кеңістігіне енгеннен кейін ұшақ әуежай аумағында екі рет бұрылыс жасады. Үшінші бұрылыста ол жерге соқтығысты. Жақын жерде тұрғын үйлер болмаған. Оқиғаның алдын ала себептерін атау әлі қиын. Сараптама қажет», деді ол.

Ақтаудағы ұшақ апаты кезінде тұрғын үйлерге қауіп төнген жоқ, деп сендірді Ластаев.