Тележурналист Азат Рыстанбек көз жұмды

«Qazaqstan» телеарнасының ақпараттық-сараптамалық бағдарламалар дирекциясында еңбек еткен, «Хабар» агенттігінің бағдарламалар өндірісі бөлімінің шеф-редакторы, тележурналист Азат Рыстанбек дүниеден озды, деп хабарлайды Orda.kz. 

Азат Сардарбекұлы бірнеше сериялы деректі фильмдер мен арнайы репортаждар түсірді. Ол ұзақ жылдар бойы қазақ телевизиясының дамуына үлес қосты. Телемаман 2000 жылдары лаңкестік ұйымдар мен қалың секта туралы бейнематериалдар жасады. Түркістан легионы сапында болған жауынгерлердің тарихын жазды.

Азат Рыстанбектің «Qazaqstan» телеарнасынан шыққан Түркиядағы қандастар көшінің 70 жылдық тарихына арналған «Алтайдан Анадолыға» деректі фильмі, «Русафа: Маңызды миссия» арнайы жобасы, Германияның Бухенвальд және Цайтхайндағы әскери тұтқындарды жаппай қамау орындарынан дайындаған арнайы репортажы көрерменнің талқысына ие болды. Бұл жобалардың барлығы корпорацияның «Алтын қорында» сақталады. 

Айта кетейік, бүгін, 3 қараша күні түнде Қазақстанның оңтүстігінде жер сілкінді.