Технология магнаттары ЖИ дүбірінің арқасында 658 миллиард доллар пайда тапты

Жалпы алғанда, әлемдегі ең бай 500 адам байлығын тағы да 1,5 триллион долларға арттырды.

Өткен жыл жаһандық экономика үшін ең оңай жыл болмады, 2023 жыл технология саласындағы бизнес өкілдері үшін жаңа мүмкіндіктер ашты. Тұтастай алғанда әлемдегі ең бай 500 адам өз байлығын 1,5 триллион долларға арттырса, онда бірнеше бизнес иелерінің үлесі бар.  

Бұл өсімнің 658 миллиарды технология саласына тиесілі. Жасанды интеллект дүбірі олардың әл-ауқатының 48%-ға өсуіне ықпал етті.

Bloomberg әлемдегі ең бай 500 адам 2022 жылы жалпы сомасы 1,4 триллион долларға жеткен шығынын айтарлықтай өтей алмағанын, сондықтан олардың 2021 жылмен салыстырғанда таза табысы небәрі 100 миллиард болғанын атап көрсетеді. 

Алайда бұл мәртебеге қайта оралған Илон Маск қана болды. Әлемдегі ең бай адам ретінде 2023 жылы ол өз байлығын $95,4 млрд-қа арттырды.  

Дегенмен 2022 жылы ол $138 млрд жоғалтқан болатын. Американдық миллиардер қазір өзіне ең жақын бәсекелесі Бернард Арнодан $50 млрд-қа  озып келеді.

Технологиялық сектордың басқа өкілдері де 2023 жылдың қаржылық нәтижелеріне шағымдана қоймасы анық. Amazon негізін қалаушы Джефф Безос өзінің байлығын 70 миллиард долларға арттырды. Сонымен енді ол Bloomberg-тің әлемдегі ең бай адамдар тізімінде екінші орында тұрған Бернард Арномен таласуы мүмкін. 

Meta Platforms негізін қалаушы Марк Цукерберг өзінің байлығын 80 миллиард долларға арттырып, динамика бойынша технология секторындағы ең жақсы нәтижелердің бірін көрсетті.