Тегеран бес елдің кемелеріне Ормуз бұғазы арқылы өтуге рұқсат берді

Иран билігі бүгін бес елдің кемелеріне Ормуз бұғазы арқылы өтуге рұқсат берді, деп хабарлайды  Orda.kz.      

«Біз өзіміз достас деп санайтын бірнеше елге Ормуз бұғазы арқылы өтуге рұқсат бердік. Олар: Ресей, Үндістан, Ирак, Қытай және Пәкістан. Қарсыластарымызға бұғазды пайдалануға мүмкіндік берудің мәнін көріп тұрған жоқпыз»  деген Аракчидің сөзін жергілікті  «Әл-Әлям» телеарнасы келтірді. 

Аракчидің айтуынша, Ормуз бұғазы арқылы өту тек қарсылас елдердің кемелеріне тыйым салынған, ал Тегеран ондай елдер қатарына АҚШ пен Израильді жатқызады.

Бұған дейін Bloomberg агенттігі дереккөздерге сілтеме жасап, Иран мақұлданған тасымалдаушылар үшін бұғаз арқылы ақылы өту тәртібін енгізгенін жазған болатын. Сондай-ақ агенттік транзитті мақұлдау жүйесінің іске қосылуы күтіліп отырғанын хабарлаған.

21 наурызда Иран Ормуз бұғазы арқылы танкерлерді ақылы өткізе бастағанын хабарлаған едік. Енді жағдай өзгерді, бұғаз арқылы жүзіп өткің келсе – ақысын төле. Lloyd’s мәліметінше, әзірге тек бір танкер «қауіпсіз өту» үшін Иран билігіне 2 млн доллар «баж» төлеген. Иранға қарсы санкциялар жағдайында бұл төлемнің қалай жүзеге асырылғаны белгісіз.

Оқи отырыңыз: 

• Соғыс басталғалы бері Ормуз бұғазынан алғашқы Ирак танкері өтті
• Иран Ормуз бұғазы арқылы танкерлерді ақылы өткізе бастады
• Трамп Иранға Ормуз бұғазын ашу үшін 48 сағат уақыт берді, талап орындалмаса шабуыл үдейді