Таразда отбасындағы жанжалдан соң әйел көпірден секірмек болды

Тараз тұрғыны көпірден секіріп, өмірмен қоштаспақ болды. 

Бұл туралы ІІМ хабарлады.

Әйел көпірден секіріп бара жатқанда, полицейлер оған жүгіріп барып, киімінен ұстамақ болды. Бірақ полицей қызметкері ұстап үлгермей қалып, суға құлады.

Полиция қызметкері Әлиайдар Рысмухамбетов лезде өзенге секіріп, әйелді құтқару үшін ТЖМ қызметкерімен және жақын жерде тұрған жергілікті тұрғынмен бірлесе қолынан келгеннің бәрін жасады. Олар әйелді жағалауға шығарып, оның жыртылған жейдесінің орнына өз киімдерін кигізді.

Оқиға орнына келген жедел жәрдем бригадасы әйелге қажетті медициналық көмек көрсетті.

«Әйелдің бұл әрекетіне отбасылық жанжал себеп болған. Оқиғаның барлық мән-жайы анықталып жатыр»,  деп хабарлады ІІМ.