Талғардағы қашып кеткен қылмыскердің өз жиенін зорлағаны белгілі болды

Талғарда абақтыдан қашып кеткен 26 жастағы ер адам өзінің кішкентай жиенін зорлады деген күдікпен ұсталғаны белгілі болды, деп хабарлайды Orda.kz.

Ол уақытша қамау изоляторынан  қашып кеткен болатын. Полицейлер күдіктіні іздеп жатыр. Ал оның үйі бақылауға алынды. 

Уақытша қамау абақтысы Талғар аудандық полиция басқармасында орналасқан. 

Бұрын да заң алдында жауапқа тартылған азамат кейіннен анасымен бірге тұра бастаған. Әжесі кейін 8-сынып оқитын немересін әкелген. Ол қызға осы ағасы зорлық-зомбылық көрсетіпті.

«Қашқынның жасы 26-да, бойы шамамен 180 сантиметр. Дене бітімі мығым, шашы қара, шаш үлгісі қысқа. Ер адам қара киім киген. Темір торға түскенге дейін Тереңқара ауылында тұрған. Оның үйі полицияның бақылауына алынды. Туыстары ешкіммен сөйлескісі келмейді», — деп мәлімдеді ктк.