Таиландта аударылған катердің ішінде 8 қазақстандық болған

cover Фото: Бейнеден кадр

Тайландтың Пхукет аралында (Андаман теңізінде орналасқан үлкен арал) 11 қаңтар күні туристер толы катер суға батып кетті. Аударылған катердің ішінде 8 қазақстандық болған, деп хабарлайды Orda.kz. 

Олардың 3-еуі ауруханаға жеткізілді. Бұл туралы еліміздің сыртқы істер министрлігі мәлімдеді. 

«Зардап шеккен барлық адамға жедел медициналық көмек көрсетілді. Қазіргі уақытта Қазақстанның үш азаматы ауруханаға жатқызылған, олар дәрігерлердің бақылауында, жағдайлары тұрақты. Шығындарды сақтандыру компаниясы өтейді. Консул азаматтармен тұрақты байланыс орнатып, оларға қажетті қолдауды көрсетіп отыр»,  деп хабарлады СІМ. 

Бортта барлығы 55 адам болған. Тосын апаттан ресейлік 8 жасар қыз көз жұмды. Оқыс оқиғаның себебі анықталып жатыр.

Айта кетейік, Тоқаевтың бұрынғы кеңесшісі марқұм Бабақұмаровтың ісі сотқа жолданды.

Жаңалықтар

барлық жаңалықтар