Су бетін жапқан өлі балық: БҚО-дағы су айдынында балықтар жаппай қырылды

cover Фото: Бейнеден кадр

Батыс Қазақстан облысындағы су айдындарының бірінде жаппай қырылған балықтардың бейнежазбасы тарады. Бейнежазба 19 наурыз күні Жаңғала ауданына қарасты Жаңақазан ауылында түсірілген, деп хабарлайды Orda.kz Мой город-қа сілтеме жасап. 

Ал 20 наурыз күні Батыс Қазақстан облысы әкімдігі бұл жағдайға қатысты түсініктеме берді. Ауыл шетінде орналасқан Сарыайдын көлінде балықтар жаппай қырылған.

«Алдын ала мәлімет бойынша, жас мөңке балықтар қырылған. Қазіргі уақытта қырылған балықтың жалпы көлемі нақтылануда. Мамандардың болжамынша, негізгі себеп — суда оттегінің жетіспеуі», деп хабарлады әкімдік.

Қазіргі таңда оқиға орнында төтенше жағдайлар қызметі мен басқа да тиісті мекеме мамандары жұмыс істеуде. Қырылған балықты жинау және жою жұмыстары жүргізіліп жатыр. Сондай-ақ аумақ тексеріліп, зертханалық сараптама үшін су мен балықтан сынамалар алынуда.

Әкімдік салдарын жою жұмыстарына жергілікті атқарушы органдар, төтенше жағдайлар қызметі, санитарлық мекемелер, табиғатты қорғау ұйымдары және салалық инспекциялар тартылғанын мәлімдеді.

Оқи отырыңыз:


Жаңалықтар

барлық жаңалықтар