Сот Салтанат Нүкенованың ағасының қорын тіркеуден 5-ші рет бас тартты

Айтбек Амангелдіге қарындасы Салтанат Нүкеноваға арнап ашылған қорды тіркеуге осымен 5-ші рет бас тартылды.

Бұл туралы Айтбек Амангелді Instagram әлеуметтік желісінде хабарлады. Айтбек Амангелді қалай болғанда да 6-шы рет өтініш бергенін, тағы жауабын күтетінін айтты. Жауап 5 күннен соң белгілі болады.

«Маған осымен 5 -ші рет қорды тіркеуден бас тартылды. Қорға қатысты жарлықтың «Қордың мақсаттарына сәйкес келетін және қолданыстағы заңнамамен тыйым салынбаған басқа да қызмет түрлері» атты №9 тармағы неліктен қорды тіркеуде кедергі келтіретінін түсінбеймін. Қалай болғанда да, мен алтыншы өтінішті осы тармақсыз бердім, тағы бес күн күтуіміз керек», — деді Амангелді. 

Еске сала кетсек, бұрынғы ұлттық экономика министрі Қуандық Бишімбаев әйелі Салтанат Нүкенованы өлтірді деген күдікпен ұсталып, нәтижесінде экс-министр 24 жылға сотталды.