Шымкентте жиналыс үстінде ұсталған экс-шенеунік сотталды

Былтыр ақпан айында Шымкент әкімдігінде өткен жиналыс барысында антикор қызметкерлері экс-шенеунікті ұстаған видео тараған еді. Экс-шенеунік ақша жымқырғаны үшін сотталды, деп хабарлайды Orda.kz. 

Тұрғын үй басқармасының бұрынғы басшысының міндетін атқарушы Шымкенттегі 216 тұрғын үйдің сейсмикалық тұрақтылығын технологиялық тексеру бойынша жұмыстарды орындауға бөлінген бюджет қаражатын жымқырды деп айыпталды.

«2024 жылғы 27 тамызда ол 9 жыл мерзімге бас бостандығынан айыру жазасына кесілді. Cондай-ақ өмір бойына қандай да бір мемлекеттік лауазымды атқару құқығынан айырылды», - деді Шымкент қаласы сыбайлас жемқорлыққа қарсы іс-қимыл департаменті баспасөз қызметінің өкілі.

Айта кетейік, жиналыс барысында әкім Ғабит Сыздықбеков мұндай қызметкерлер әкімдікте де бар екенін айтып, бірнеше ай бойы бұл туралы ескерткенін мәлімдеген еді.