Шымкентте миллионнан жоғары тұратын «жұмақ билеттері» сатылды

Шымкенттегі іс-шаралардың бірінде миллионнан жоғары бағаға «жұмақ билеттері» сатылды, деп хабарлайды Orda.kz. 

Қазақстандық әзілкеш Ғалымжан Құрманбек Шымкенттегі іс-шаралардың бірінде 1-ден 50 миллион теңгеге дейінгі бағамен «жұмаққа билет» сатты. Билет құны млн теңгеден басталды. Әлеуметтік желіде тараған бейнеден қатысушылардың кейбірі миллион теңгелерін қолма-қол беріп кеткенін көруге болады. 

Іс-шараға жиналғандар арасында 10 млн теңгеге билет сатып алғандар болды. Әлеуметтік желі қолданушылары жиналған қаражат медресе құрылысына жұмсалады деп топшылады. 

Айта кетейік, былтыр Ресейде қазақтың батыр қызы Әлияның есімімен аталған мешіт ашылған еді.