Шымкентте ер адам бейтаныс әйелді «түрі ұнамағаны» үшін пышақтап өлтірді

Шымкент қаласында болған 41 жастағы әйелдің өлімі туралы жаңа деректер шықты, деп хабарлайды Orda.kz

Әйел мен еркек бір бірлерін мүлдем танымайтын болып шықты. Яғни қылмыскер көшеде кездейсоқ әйел адамға шабуыл жасаған. Ал оның бұл іске баруына марқұмның түрі ұнамауы себеп болған. 

Бұл осы айда болған Шымкенттегі екінші әйел өлімі. Бұған дейін 11 қаңтар күні Нұрай Серікбай қаза болғаны анықталған еді. Кейін оның ісіне қатысты полиция қызметкері жұмысынан қуылып, ол БАҚ өкіліне сұхбат берді және оқиға жаңа қырынан танылды. Ал Нұрайдың отбасының адвокаты бейнероликті таратқан қызметкерге қатысты шағым түсірді.

Еске сала кетейік, 29 қаңтар күні Шымкентте күдікті жәбірленушіге жанжал кезінде пышақ салып, әйел алған жарақатынан оқиға орнында көз жұмды. Күдікті бірден ұсталды, алайда полиция қызметкерлеріне қарсылық танытып, қауіпсіздікті сақтау мақсатында күдіктіге қарсы қызметтік тапаншаны қолдануға мәжбүр болған.