Шымбұлақтағы қар көшкіні: жаңа деректер

Шымбұлақ маңында қар көшкіні болып, бір адам қаза тапты. Төтенше жағдай Комсомол шыңы аймағында болған, деп хабарлайды Orda.kz. 

Айта кетейік, қар көшкіні бүгін 14:57-де «Шымбұлақ» тау шаңғысы курортының Талғар жақ аумағында Богданович мұздығының үстіндегі асуда болған. Ақпаратқа сәйкес, Талғар асуында үш адам шаңғы тебу кезінде еңісті кесіп өткен. Нәтижесінде қар сырғып, үшеуі қар көшкінінің астында қалған.

Жаңа деректер бойынша, бір тонна қар астынан 34 жастағы ресейлік келіншектің денесі табылды. Оның денесі эвакуацияланып, «Комби-2» станциясына жеткізілді. Қайғылы оқиға 3160 метр биіктікте болған. Ал қар көшкіні шамамен 50 текше метр болды.