ШҚО-да бұрынғы полицей жасөспірімдерді зорлады деген күдікке ілікті

Шығыс Қазақстан облысы Алтай ауданындағы полиция тергеушілері 16 жастан кіші екі жасөспірімге қатысты бірнеше рет жыныстық зорлық жасады деген айыппен екі адамға қарсы іс қозғады, деп хабарлайды Orda.kz.

29 жастағы Нұрбек Дәурен мен 35 жастағы бұрынғы полицей Асқар Жұмағұловтың қолынан осы қылмыстардың жасалғаны айтылады.

Қазір күдіктілер уақытша ұстауда отыр. Сонымен қатар, Жұмағұловтың бұрын қызметтен теріс себептермен босатылғаны белгілі болды. Қазір тергеу жүргізіліп, істің барлық айғақтары анықталуда.

«Аталған фактіні Шығыс Қазақстан облысы полиция департаментінің қызметкерлері анықтады. Қазіргі уақытта қылмыстық іс қозғалып, күдіктілер уақытша ұстау изоляторына қамалды.  Сондай-ақ,  Жұмағұлов теріс себептермен ішкі істер органдарынан жұмыстан шығарылғанын хабарлаймыз. Қазіргі таңда оқиғаның барлық мән-жайын анықтау мақсатында тергеу шаралары жүргізіліп жатыр», деп жауап берді  полиция департаменті.