Шетелдіктер елімізде бірнеше есірткі зертханасын ашқан

Ішкі істер министрлігі үш жасырын есірткі зертханасының жойылғанын хабарлады, - деп хабарлайды Orda.kz порталы Polisia.kz сайтына сілтеме жасап.

Алматы облысында ішкі істер органдары қызметкерлері есірткі дайындайтын үш жасырын зертхананың қызметін жойды, оның екеуі шөптен жасалған есірткілер зертханасы болып шықты.

«Жедел-іздестіру шаралары барысында 130 келіден астам қолдануға дайын есірткі тәркіленді. Есірткі зертханасын ұйымдастырған төрт адам ұсталды, оның екеуі көрші ел азаматтары. Осы қылмыстарды жасағаны үшін мүлкі тәркіленіп, 10 жылдан 15 жылға дейін бас бостандығынан айыру түріндегі жаза қарастырылған», – деді ІІМ есірткі қылмысына қарсы күрес департаменті бастығының орынбасары Бақытжан Әмірханов.