«Шетел асқан қазақ баласы»: Бала асырап алған Бельгиялық əйел өз-өзіне қол салды

Бүгін Арқалық қаласындағы балалар үйінен Жәнібек Савельевті асырап алған Бельгия азаматы Валерияның қайтыс болғаны белгілі болды.

Бұл туралы «Бармысың бауырым» бағдарламасының жүргізушісі Қымбат Досжан айтты.

Жәнібек Савельевті асырап алған анасы Валерия ұзақ уақыт сырқаттан кейін, эвтаназия тәсілімен бұл өмірмен қош айтысты.

«Достар, Жәнібекті асырап алған Валерия анасы бұл өмірмен қоштасты.   Эвтаназия тәсілімен. 20 жыл ана болып, сырқатына қарамастан Жәнібекке мейірімін бере білген Валерияның мәңгілік ғұмыры енді ғана басталды. 54 жаста.  Жәнібек, берік бол...» деп жазды Қымбат Досжан Instagram парақшасында.

Еске сала кетейік, жуырда ғана туған анасын іздеп Қазақстанға келген Жәнібек осы мәселеге көмектесуін сұрап, қазақ халқына жүгінген болатын.