Шешенстандағы зорлық-зомбылықтан қашқан әйел Қазақстанда ұсталды

Шешенстан азаматшасының айтуынша, оны бала кезден ұрып-соғып, қинап тұрмысқа берген, деп хабарлайды Orda.kz.

Эльза бірнеше рет үйіне қайтып кеткенімен, күйеуі оны өзіне қайтарып ала берген. 3 ақпан күні ол үйінен қашып кеткен. Ал белсенді Владислав Хорев оған Қазақстан шекарасына өтуге көмектескен. Ол екеуі Доссор ауылында қолға түсті. Эльзаның құжаттарын алып қойып, отбасымен кездесетінін айтқан. 

Эльза мен Владиславты Атырауға алып баруы мүмкін, белсенділердің айтуынша, қыздың отбасы Қазақстанға келді. Эльзаның туыстары оған 3 ақпанда іздеу салған. «ЛизаАлерт» іздеу жасағы қызды соңғы рет Волгоград облысында көргенін хабарлады. Оны осы аймақ арқылы Қазақстанға алып кеткен.