«Шерзат Полаттың ісі»: Прокуратура екі қыздың не себепті жауапқа тартылмағанын түсіндірді

Прокуратура Шерзат Полаттың сотында негізгі куәгерлер санатында болған, яғни төбелестің басы-қасында болған Эльмира Нұрбекова мен Дана Жақсыгелдінің әлі күнге дейін жауапқа тартылмағанына қатысты жауап берді, деп хабарлайды Orda.kz. 

Алматы облысының прокуратурасы Шерзат ісі бойынша сот шешімі әлі заңды күшіне енбегенін мәлімдеді. Себебі айыпталушылар аппеляциялық шағым түсірген. 

Айта кетейік, прокурор Дана Сәрсенбай сотта куәгер екі қыздың ақпаратты жасырып қалғанын айтып, Алматы облысының полиция департаментіне жіберіп, қылмысты хабарламау және жалған куәлік беру баптарымен тергеуді талап еткен еді. Нәтижесінде сот жалған куәлік берді деген екі куәгер қызға қатысты жеке қаулы шығарды.