Шерзат ісіндегі бейнебақылау жазбасы барлық шындықты ашып бере ала ма?

Шерзат Полаттың ісіне қатысты Прокурор Құрақбаев “Қамажай” дүкенінің алдынан алынған бейнежазбаларды көрсетуді сұрады, деп хабарлайды Orda.kz.

Сонымен сотта 2024 жылдың 4 қазанындағы "Қамажай" дүкенінің алдындағы бейнебақылау камерасының жазбасы көрсетілді.

• Бейнежазбада 23:42-де Әскентай “Қамажай” дүкеніне кіреді. 23:53-те дүкенге Шерзат Полат кіреді.
• 00:12-де Шерзат Полат Әскентайды ұрып, оның бет-аузынан қан ағып жатқаны әрі сол арада ол телефонмен біреумен сөйлесіп тұрғаны көрінеді. Артынан Қаржаубай шығып жарақатын жууға көмектескені көрсетілді.
•  00:14-те Әскентай дүкенннің алдынан кетіп, 00:21 де қайта келеді. Сол кезде Қаржаубай екеуінің  бір-екі ауыз сөйлескені көрсетілген.
• 00:26-да дүкен алдына Гольф көлігінен екі сотталушы Думан Ысқақ пен Нұрбол Тоқтаубаев шығады.
•  00:34-те прокурордың айтуынша олар бір-бірінен кешірім сұрап, қол алысып кеткен. Прокурордың бұл сөзіне сотталушы Нұрбол Тоқтаубаев ешқандай қол алысу болмады дейді. Бұл сәт камераға түспеген.
• 00:34-те Тоқтаубаев, Әскентай мен Ысқақ гольф көлігіне отырып дүкеннің алдынан кетіп қалады.
• 00:37-де Әскентай дүкеннің алдына көлікпен қайта келіп ішіне кіріп кетеді, 00:39-да Тоқтаубаев Ғайыпбаевты шетке қарай сөйлесуге алып кетеді.
• 00:42-де Ғайыпбаев пен Әскентайдың сөйлесіп тұрғаны көрсетілді. 00:43-те Қаржаубай дүкеннен ашуланып атып шығады, артынан Шерзат әкесіне басу айтып, айырып жатқаны көрсетілген. Дәл осы жерде Қаржаубайдың қолында пышақ бары көрінген. 00:46-да Шерзат дүкеннің алдынан кетіп қалды.
• 00:50-де дүкен алдына Шерзаттың достары келеді. 00:56-те көлікпен жігіттер келеді артынша камерадан Санат Әбдіқадірдің Ғайыпбаевпен сөйлесіп тұрғанын көруге болады.
• 00:56-дан кейін бейнежазбадан сотталушылар мен жәбірленушілерді әрі екі куәгер қызды көруге болады.
• Төбелес басталған кезде Белқожаев барсеткасынан бәкі, яғни пышақ алып шығады, араға бірер минут салып, 01:01-де куәгер Нұрбекова Сәкиев Равильді ол жерден алып кетпекші болады. Дәл осы сәтте төбелес басталады. Ал төбелестің біткен уақыты -  01:07, дәл осы уақытта Шерзатты Қаржаубай ауруханаға алып кетті.