Шерзат ісі: Түрмеде туған күн тойлауға жол берген полицейлерді қандай жаза күтіп тұр?

Алматы облысының прокуратурасы қоғамда дау туғызған түрмедегі туған күнге қатысты пікір білдірді, деп хабарлайды Orda.kz Tengrinews-ке сілтеме жасап. 

Шерзат Болат ісі бойынша қамауға алынғандардың уақытша ұстау изоляторында туған күн тойлауына жол берген полицейлерге қатысты тергеудің егжей-тегжейі айтылды. 

Прокуратура 18 ақпанда полиция қылмыстық кодекстің 371-бабының 1-бөлігі «Немқұрайлылық» бойынша соталды тергеу бастағанын растады. Тергеуді Алматы облысы полициясының жеке қауіпсіздік басқармасы жүргізеді.

Қылмыстық кодекстің 371-бабының 1-бөлігіне сәйкес заңбұзушыларға 1 мың АЕК-ке дейін (2025 жылы 3,9 миллион теңге) айыппұл, 400 сағатқа дейінгі қоғамдық жұмыстарға тарту немесе бір жылға дейінгі мерзімге бас бостандығынан айыру жазасы төніп тұр.