Шавкат Рахмонов UFC-дің жартылай орта салмақ дәрежесіндегі рейтингінен шығып қалды

Қазақстандық ММА файтері Шавкат Рахмонов UFC-дің жартылай орта салмақ дәрежесіндегі рейтингінен шығарылды. Бұған дейін ол екінші орында тұрды әрі чемпиондық белбеуге басты үміткерлердің бірі еді, деп хабарлайды Orda.kz. 

UFC жаңартылған рейтингін жариялады. Шавкат Рахмонов топ-15 тізімінен тыс қалды. Ол бұған дейін екінші үміткер болып тұрған. Ирландиялық аралас жекпе-жек шебері Иэн Мачадо Гарри үздік үштікті түйіндеп тұрды. Ал бірінші орында австралиялық Джек Делла Маддалена болды. 

Өзгеріс нәтижесінде топ-15-тегі спортшылардың басым бөлігі бір сатыға жоғары көтерілді. Тек Джек Делла Маддалена өз орнында қалды.

Сонымен қатар топ-15 спортшылар қатарына танымал файтер Майкл Пейдж енді.

Еске салайық, жақында қазақстандық спортшының жарақат алғаны белгілі болды. Рахмонов екінші ота жасатқанын айтып UFC-ге оралуды кейінге қалдырды.

Оқи отырыңыз: 

• Шавкат Рахмоновтың жұбайы екі құрбысының өлімі үшін 10 жылға сотталып кетуі мүмкін
• Шавкат Рахмонов «ресейлік» болып кетті
• Тоқаев Шавкат Рахмоновты ІІ дәрежелі «Барыс» орденімен марапаттады