Шартты тіркеуге тұрмаған шетелдік маркетплейстер Қазақстанда жұмыс істей алмайды

Қазақстанда шартты тіркеуге тұрмаған шетелдік маркетплейстердің жұмыс істеуіне жол жоқ, деп мәлімдеді қаржы вице-министрі Ержан Біржанов.

«Шетелдік маркетплейстерге келсек, егер олар бізде шартты тіркеуге тұрмаса, оларды бұғаттаймыз. Жаңа Салық кодексіне осындай норма да енгізілген», - деді Біржанов Салық кодексі жобасын талқылау жөніндегі Қоғамдық палата отырысында.

Оның айтуынша, қазір қаржы министрлігі платформалық жұмыспен қамтуды көтеріп, оған қатысатын тұлғаларға тіркелмей-ақ, «Яндекс», Glovo операторлары алдындағы міндеттемелерін орындауға мүмкіндік берген.

«Олар 4% аударады, оған салық жоқ - 4% әлеуметтік төлемдерге кетеді. Яғни, жеке кәсіпкер ретінде тіркелмейді. Бұл жүйе енді өзгереді және оны одан әрі дамытатын боламыз. Оған қоса, жаңа Салық кодексі аясында бізде базарлар онда сауда жүргізетін субъектілер бойынша деректерді ашады деген норма қарастырылған, біз оларды жеке кәсіпкерлермен салыстырып тексереміз», - деп қосты Біржанов. 

Естеріңізге сала кетейік, 26 ақпанда мәжіліс депутаттары «Ақ жол» фракциясынан шетелдік маркетплейстерден, оның ішінде Temu, Amazon және AliExpress сияқты маркетплейстерден ҚҚС алуды ұсынды.

Парламенттегілердің мәліметі бойынша, «ҚҚС операцияларынан жалтару арқылы 2023 жылы бюджет өндірістегі жұмыс орындарынан алынбаған ЖТС-ті айтпағанда, Т60 млрд-тан астам түсімнен қағылыпты».

27 наурызда вице-премьер - ұлттық экономика министрі Серік Жұманғариннің жауабынан Қазақстанда маркетплейстер блокталатыны белгілі болды. Сондай-ақ билік шетелдік маркетплейстерді қазақстандық бизнеспен ынтымақтасуға міндеттей алмайтыны да анықталды. 

Бұдан басқа, 2022 жылдан бастап шетелдік фирмалар ҚҚС түрінде Т83 млрд астам төлегені белгілі болды. Сонымен қатар, Қазақстанның жеке пайдалануға арналған тауарларға баж салығын төмендете алмағаны хабарланды. Сондай-ақ Е-коммерция үшін жеңілдіктер мәселесін Қазақстанның жаңа Салық кодексі жобасында қарауға уәде берілді.

2 сәуірде «Ақ жол» вице-премьер - ұлттық экономика министрі Серік Жұманғаринге депутаттық сауал жолдап, үкіметтің шетелдік сауда алаңдарына салық салу жөніндегі ұстанымымен келіспейтінін білдірді, сондай-ақ шетелдік маркетплейстер үшін салық саясатын қатаңдатуды талап етті.