«Шакенти» деген атпен белгілі болған актер қызын ұрып-соқты

Актер Шәріп Серік жүріп жүрген қызы Әлия Бутееваны соққыға жықты, деп хабарлайды Orda.kz.

Болған оқиға жайлы таяқ жеген Әлия Бутеева Instagram парақшасындағы жазбасында баяндады. Ол сүйген адамының өзіне қол көтергені жайлы айтып отыру — үш ұйықтаса түсіне кірмегенін айтты. Оның айтуынша, сенім мен махаббаттан басталған сезім күш көрсетуге дейін ұласып барып, аяқталды. Бейнежазбада Шәріптің қызды жұлқылап, лифтіден шығарып жатқаны көрсетілген. Ал суретте Әлия соққы тиген жүзін көрсетті.

«Мен физикалық жағынан әлсіз болсам да, мораль тұрғысынан қабылдауға болмайтын нәрсені айтпай, үндемей қоя салатындай әлсіз адам емеспін. Мен өзімді және өз абыройымды қорғауға мәжбүрмін» деп жазды Әлия.