Үш күнде екі бірдей адамды дүкенде тоқ соғып, мерт болды
Азық-түлік жеткізіп жүрген экспедитордың өліміне қатысты жаңа мәліметтер анықталды.
Бұл туралы Orda.kz хабарлады.
Ер адамды әлеуметтік павильонға кіре берісте электр тоғы соқты. Оны марқұм Ұлан Шайкеновтың әріптесі көрген.
– Тоқ қуаты тек кіреберісте емес, қоршауда да болды. Сол күні, 8 маусымда жаңбыр жауып тұрды. Біз малмандай су болдық, жер су, жаңбыр болды. Ұлан резеңке аяқ-киімде болған. Ол бірінші болып жәшіктермен кірді, мен оның артынан, шамамен 3-5 метр қашықтықта кіріп бара жаттым. Оның бір қолында қорап, екінші қолында 10 келілік майонез шелегі болды. Ұлан бір аяғымен ғана кірді. Қолымен ештеңені ұстамады, өйткені қолында тауарлар болды. Ол аяғымен темір подьезге аттай салысымен оны бірден артқа лақтырып жіберді. Аяқ-киімі аяғынан ұшып кетті. Айқайлап, суға құлап түсті. Қол- аяғы құрысып қалды. Ол созылып, қатып қалды, - деді Андрей.
Андрей өз өмірін қатерге тігіп, әріптесін бірден киімінен тартып, шалшықтан шығарып алды. Ол жүрегіне массаж жасады, бірақ Ұлан есін жимастан көз жұмды.
– Кіре берістегі баспалдақтар темірден жасалған, баспалдаққа темір қоршаулар дәнекерленген. Егер қоршауды басқа біреу ұстаса, оны да тоқ соғар еді, - деді куәгер.
Ұлан қайтыс болардан екі күн бұрын 6 маусымда 36 жастағы сатушы әйел де дәл сол жерде қайтыс болған. Жедел жәрдем оны құтқара алмады. Дәрігерлер жүректің тоқтауы диагнозын қойды. Әйел ешқашан кардиологтың есебінде болған емес. Ол жүрегіндегі ауырсынуға шағымданбаған. Сол күні сатушы дүкендегі едендерді жуып, суды төгуге шыққаны белгілі болды. Болжамды түрде ол дымқыл қолымен темір қоршауды ұстауы мүмкін.
Қазір павильон толық қуаттан ажыратылған. Дүкен иесі полицияға куәлік етіп жатыр. Жауап алу кезінде ол ауырып, жедел жәрдем шақыруға тура келген.
Жаңалықтар
- Хоккейшілеріміз 2024 жылғы әлем чемпионатының басында Францияны жеңді
- Армения мен Әзірбайжан сыртқы істер министрлері Алматыда екі күндік келіссөздерін аяқтады
- Шымбұлақ 13 мамырдан бастап аспалы жолдарды уақытша жабады
- Қазақстандағы жаңа мемлекеттік мекемеге шамамен 2 миллиард теңге жұмсалады
- Атырау облысында Жайықтың суы көтерілуде
- 12 мамыр елімізде Аналар күні мерекесі
- Қазақстан бірқатар елдермен ынтымақтастықты арттыруға ниетті
- Жайық өзеніндегі қатты ағыстан жеті адам құтқарылды
- Сәкен Мамаштың әйелі көп жылғы жан түршігерлік азаптың жай-жапсарын айтып берді
- Ежелгі Сарайшық қалашығын су басу қаупі төніп тұр
- Қазақстанның 16 облысында дауылды ескерту жарияланды
- Теледидарлар мен ноутбуктер айтарлықтай қымбаттады
- Археология ғылымының атасы Әлкей Марғұланның 120 жылдығы
- Голан биіктеріндегі қазақстандық бітімгерлердің жалақысын БҰҰ төлейді
- Жезқазғанда арнайы жасақ қарулы жүргізушіні ұстады
- Еліміздегі су тасқынынан зардап шеккендерге 8,5 млрд теңге төленді
- Президент Әкімшілігінің басшысы мемлекетке қайтарылған заңсыз мүліктің қайда жіберілетінін айтты
- Атырау облысында төртінші күннен бері қорғаныс бөгеттері «көп суды» ұстап тұр
- Мемлекеттен 1,5 миллионға жуық қаржы тегін беріледі
- Қазақстанның 12 қаласында жылу желілері 60%-дан 91%-ға дейін тозған