Сенат есірткі курьерлері үшін жазаны жеңілдету туралы заңды мақұлдады

Сенат есірткі курьерлері үшін жазаны жеңілдету туралы заңды мақұлдады. Бірақ есірткі зертханаларын ұйымдастырғандардың жазасы қатаңдатылады, деп хабарлайды Orda.kz. 

Сенат есірткінің заңсыз айналымына қарсы іс-қимыл мәселелері бойынша заңнамалық актілерге өзгерістер енгізу туралы заң жобасын мақұлдады. Жаңа заң бойынша қылмысты ұйымдастырушыларға өмір бойына бас бостандығынан айыруға дейін қамау жазасы қолданылады. 

Ал есірткі курьерлері үшін жаза жеңілдейді. Сонымен қатар тыйым салынған өсімдіктерді заңсыз өсіргені және ел ішінде таратқаны үшін қылмыстық қудалау енгізіледі.

Есірткіге тәуелді адамдарды емдеуді бақылау үшін бірыңғай электрондық мәліметтер базасы құрылады.

Айта кетейік, елімізде сотталғандардың 8% - дан астамы немесе 37 мыңы есірткі қылмысына байланысты жазасын өтеп жатыр.